wahan dur gagan mein jo tu dekhta hai
uski kali parchhaiyon mein jo tu dhundhta hai
wo tara wahan par hai hi nahin
ae pagle tu kyun nahin ye sach dekhta hai
neeche ke gagan mein jhaank jara
dharti ki tah mein dekh jara
dekh wahan kya rahta hai
wo jo tujhko hi dhundhta hai
us ajgar se tu lipat jara
munh khol uske daant gin to le
kab se jabron mein hain fansi ek baat
nikal use tu ro to le
hai raat bahut lambi maana
hai timir ghira sab jag suna
suraj se hi ye sab jayega
par suraj kab tere liye hi aayega
aayega jab wo aana hai
uski niyati nahin tere sang hai
chanda bhi nikalega apni gati se
tu chaddar to ek taan jara
aa neeche jara baith shwaas to le
dharti ki tu thori thaah to le
un pushpon se mil jo jane kab se
apni khusbu wali baahein khole hain khade
tu dekh jara neeche ko dekh
jungle hai, mad hai, andhapan hai
tu latka hai kabse pakde jhula aasmani
ye bhi to bas tera pagalpan hai
tu aankhon wala andha hai
chal sakta hai par tu langda hai
hai chaal teri matwali maana
par tu bas ghas charta ek arbi ghoda hai
chal been utha koi saanp pakad
kuchh tikdam kar, uspar yun akad
kuchh jhuti muthi baatein hi kar
chhor paijama naada ab pakad
aaja aaja ab khelnge
mitti ke kulhad mein chai bhi pi lenge
pyala mad ka ham bhar lenge
usse geeli apni bushat bhi kar lenge
tar hoja hai baarish aane wali
soch ke rakh kuchh matwali gaali
jhumenge ham us free ke shower mein
sab mail badan ke dho lenge
kar de man ghar ko tu ab khali
man par nahin koi bojh tu rakh
ho tapakta sawera ya ho sukhi raat
tu chaal apni bas matwali rakh
Leave a comment